ગુજરાત પોલીસમાં હાલ અનેક વિવાદો થઈ રહ્યા છે, તેમાં પણ પોલીસ કર્મચારીઓ અને હવે તો આઈપીએસ અધિકારી એવા ભાવના પટેલ અને જીવી બારોટ સામે પણ ફરિયાદ નોંધાઈ છે. તેવા સંજોગોમાં આ તપાસ કઈ દિશામાં જશે અને શું કાર્યવાહી થાય તે અંગે અનેક પ્રશ્નો ઊભા થયા છે, ત્યારે રાજ્યના પોલીસ વડા વિકાસ સહાય જણાવ્યું છે કે હાલ ઇન્કવાયરી ચાલી રહી છે. તેમજ સામાન્ય ફરિયાદમાં જે રીતે આરોપી હોય તે રીતે જ તેમની સામે તપાસ કરવામાં આવી રહી છે અને જરૂર પડશે કાયદાકીય રીતે ધરપકડ પણ થઈ શકે છે. બીજી તરફ બે આઈપીએસ સહિત અન્ય પોલીસ કર્મચારીઓ સામે થયેલી ફરિયાદની તપાસ પણ હવે આગળ વધી રહી છે. 17 વર્ષો પછી ગુજરાતમાં કોઈ IPS અધિકારીની ધરપકડ થશે.
