સરફરાઝ ખાને ન્યૂઝીલેન્ડ સામે સદી ફટકારી ઈતિહાસ રચ્યો, શિખર ધવનના રેકોર્ડની બરાબરી કરી
‘સરફરાઝ ખાન ૨૦૨૪નો જાવેદ મિયાંદાદ છે…’ ભૂતપૂર્વ ભારતીય ક્રિકેટરે કહી મોટી વાત
ભૂતપૂર્વ ભારતીય ક્રિકેટર અને કોમેન્ટેટર સંજય માંજરેકરનું માનવું છે કે જો તમારે ૨૦૨૪માં ૧૯૮૦ના દાયકાના જાવેદ મિયાંદાદનો અવતાર જોવો હોય તો તમે સરફરાઝ ખાનને જોઈ શકો છો.
સરફરાઝના કારણે ટીમ ઈન્ડિયા મેચમાં સારી સ્થિતિમાં પહોંચી ગઈ છે. બાંગ્લાદેશ સામેની શ્રેણીમાં તેને એક પણ ટેસ્ટ મેચ રમવાની તક મળી નથી.
સરફરાઝ ખાને ન્યૂઝીલેન્ડ સામેની પ્રથમ ટેસ્ટ મેચમાં જોરદાર સદી ફટકારી છે. તેણે મેદાનમાં શાનદાર સ્ટ્રોક ફટકાર્યા અને રન બનાવવામાં તેને કોઈ સમસ્યા ન હતી. સરફરાઝના કારણે ટીમ ઈન્ડિયા મેચમાં સારી સ્થિતિમાં પહોંચી ગઈ છે. બાંગ્લાદેશ સામેની શ્રેણીમાં તેને એક પણ ટેસ્ટ મેચ રમવાની તક મળી નથી.
પંત અને કોહલી સાથે ભાગીદારી
ત્યારબાદ ન્યુઝીલેન્ડ સામેની પ્રથમ ટેસ્ટ મેચમાં ગરદનના દુખાવાને કારણે શુભમન ગિલ રમ્યો ન હતો અને તેની જગ્યાએ સરફરાઝને તક મળી હતી. તેણે આ તકને ઝડપી લીધી અને મેચમાં શાનદાર સદી ફટકારી. પહેલા તેણે વિરાટ કોહલી સાથે ૧૩૭ રનની ભાગીદારી કરી હતી. આ પછી ઋષભ પંત સાથે ૧૦૦ પ્લસ રનની ભાગીદારી કરી. ટીમ ઈન્ડિયા જે ટેસ્ટ મેચમાં પાછળ રહી ગઈ હતી, હવે આ ખેલાડીના કારણે તે ફરી ડ્રાઈવિંગ સીટ પર આવી ગઈ છે . દિવસના છેલ્લા બોલ પર કોહલી આઉટ થયો . પેવેલિયન પરત ફરતા પહેલાં ‘વિરાટ’ પરાક્રમ કરીને ગયો, ટેસ્ટમાં 9000 રન પૂરા કર્યા
ન્યુઝીલેન્ડ સામે ઈતિહાસ રચ્યો
સરફરાઝ ખાન ન્યૂઝીલેન્ડ સામેની ટેસ્ટ મેચની પ્રથમ ઇનિંગમાં શૂન્ય રન પર આઉટ થયો હતો. ત્યારબાદ તેણે બીજી ઇનિંગમાં શાનદાર વાપસી કરી હતી. તેણે મજબૂત બેટિંગનું ઉદાહરણ રજૂ કર્યું છે અને તેની ટેસ્ટ કારકિર્દીની પ્રથમ સદી ફટકારી છે. આ સાથે તેણે ૧૧૦ બોલમાં પોતાની સદી પૂરી કરી અને આ દરમિયાન તેણે ૧૩ ચોગ્ગા અને ત્રણ છગ્ગા ફટકાર્યા. તે હજુ પણ ક્રિઝ પર હાજર છે. આ ૨૨મી વખત છે જ્યારે કોઈ ભારતીય બેટ્સમેને એક જ ટેસ્ટમાં શૂન્ય અને સદી ફટકારી હોય.
છેલ્લા ૧૦ વર્ષમાં આ પ્રથમ વખત છે જ્યારે કોઈ ભારતીય બેટ્સમેને ન્યૂઝીલેન્ડ સામે એક જ ટેસ્ટમાં શૂન્ય અને સદી ફટકારી હોય. સરફરાઝ પહેલા ૨૦૧૪માં શિખર ધવને ન્યૂઝીલેન્ડ સામેની ટેસ્ટમાં શૂન્ય અને ૧૧૫ રન બનાવ્યા હતા. સરફરાઝે શિખર ધવનની બરાબરી કરી લીધી છે.
ઇંગ્લેન્ડ સામે ડેબ્યૂ કર્યું હતું
સરફરાઝ ખાને વર્ષ ૨૦૨૪માં ઈંગ્લેન્ડ સામેની ટેસ્ટમાં ભારતીય ટીમ માટે ડેબ્યૂ કર્યું હતું. અત્યાર સુધી તેણે ટીમ ઈન્ડિયા માટે ચાર ટેસ્ટ મેચમાં ૩૨૫ રન બનાવ્યા છે જેમાં એક સદી અને ત્રણ અડધી સદી સામેલ છે. આ સમયગાળા દરમિયાન તેની સરેરાશ ૬૫.૦૦ રહી છે.
Author: Chavda Parakramsinh
Chavda Parakramsinh
